Suliffiit ineriartortitsinerlu ›› Aatsitassarsiorfik Narsamut siuariartortitsissaaq
Narsaq kan se frem til vækst

Aatsitassarsiorfik Narsamut siuariartortitsissaaq

Narsaq kujataata sapangaraa amerlasuut taama isumaqarput, ilumoortortaqarporli, tassami illoqarfik inissisimavigissaartorujussuuvoq.

Narsaq savanut toqoraaveqarnermigut kujataani savaateqarnermi qitiuvoq. Ukiut tamaasa savaaqqat 23.000 missaaniittut toqoraavimmi Neqi A/S-imi toqunneqartarput, Neqi A/S-imit nunarput tamaat pilersorneqarpoq. Inuussutissalerinermut ilinniarfik Inuili igasunngornianik, saqisunngornianik, slagterinngornianik iffiortunngornianillu suliffeqarfinnut nunatsinniittunut ilinniartitsisarpoq, ukiorpasuarnilu Narsaq kujataani aalisarnermi qitiusimavoq.

Ullumikut Narsami susoqarpallaanngilaq. Aalisarneq illoqarfimmi – nunalu tamakkerlugu -  inuussutissarsiut anneq ingerlanngilaq. Taamaakkaluartoq toqoraavik KNI-mit pigineqartoq, septemberip ingerlanerani 2013-mi nutarterlugu pitsanngorsarpaat. Taamatuttaaq inuussutissarsiornermut ilinniarfik nutarteriffigineqartuarpoq, ilinniarfigineqarsinnaasullu atuarfimmi Kalaallit akornanni inuusuttuni soqutigineqaqaat. Inuusuttut ilinniarnerminni atuarfimmi najugaqarfiutigisumi najugaqartarput, Narsamullu innuttaanullu tamanna nutaamik pilersitsisarpoq.

GME's hovedkvarter i Narsaq - med Kvanefjeld bagved
Narsami GME'p qullersaqafia Qaqqarsuaq tunulequtigalugu

Ullumikkut Greenland Minerals and Energy A/S Narsami suliffeqarfinni nuimasut ilagaat. Misissueqqaarnerit aatsitassarsiulerniarlunilu piareersarluni sulinerit Narsarmiorpaalunnut suliffissaqartitsipput. Naalakkersuisullu piiaanissamik akuersissagaluarpata, GME A/S suliffinnik untritilippassuarnik suliffissaqartitsissaaq.

Kuannersuarnut soqutiginninneq nutaajunngilaq. 1950-ikkunniilli qaqqarsuaq taanna soqutigineqalerpoq aatsitassaqarsorineqarneratigut. Uranimik nassaarnerup soqutiginnilersitsineq annertooq pilersippaa, soqutiginninnerlu annikinnerulinngilaq atomfysikeri aamma Nobel-ip nersornaasiuttagaannik tunineqarnikoq Niels Bohr Narsamut tikeraarmat Danmarkip USA-mi aallartitaa Henrik Kaufmann, pingaarutillillu allat ilagalugit, sorsunnersuup aappaata nalaani.

Piiaanngilluinnarnissamik isuma

Piiaanngilluinnarnissamik isuma atorunnaarsinneqarpoq, taamaalilluni Greenland Minerals and Energy A/S periarfissaqalernikuuvoq misissuinertik Narsami qaqqani ingerlateqqissinnaanngorlugu. Sulineq tamanna 2007-imiilli ingerlanneqarpoq.

Ansatte i GME i Narsaq samlet til møde
GME Ltd. aamma A/S-imi sulisut Qaqortumi illu ammasup ingerlanneqarnerani 

September 2013-imi misissuinerup naanerani misissugassanik qillerinermit 75.000 meteri qillerneqarsimalerpoq. Qillerinermit misiligutit Australiami laboratoriani misissoqqissaarneqarput, Kuannersuit  qinngornernik ulorianartunik akullit uran aamma thorium saniatigut zink-imik pinngoqqaatit qaqutigoortunillu annertoorujussuarmik akoqarpoq - nunarsuarmi pinngoqqaatinik qaqutigoortunik peqarfiit annertunerpaartaasa akornaniikkunartumik.

Misissuinerit naammasseriarpata Greenland Minerals and Energy A/S uppernarsaatinik tunniussisussaavoq, kujataani avatangiisimut, isumannaatsuunissamut, peqqissutsimullu innarliinngitsumik aatsitassarsiortoqarsinnaaneranik uppernarsaataasussamik. Oqartussat sakkortoorujussuarnik piumasaqaateqarput sukumiisumik atuarneqartussanik nalilersorluagassaasunillu Kalaallit, danskit nunamilu allamiut ilisimatuussutsikkut suliffeqarfiinit nakkutilliisuinillu.

Misissuinermit uppernarsaatit oqartussat piumasaqaataanut naammassinnissinnaagunik, suliffeqarfik aningaasarsiutigalugu aatsitassarsiorsinnaanermik qinnuteqaateqarsinnaanngussaaq, taamaalisoqarpalli Kalaallit Nunaata Inatsisartui piianngilluinnarnissamik isummap qanoq iliorneqartariaqarneranik isummertariaqarnissaat pisariaqalissaaq.

Sanaartornerujussuaq naammassippat, aatsitassarsiorfimmit tunisassiulernissaq piariissaaq. Taamanikkussamut sulisut400-t  600-ullu akornanniittut pisariaqartinneqartussaapput, aatsitassarsiorfimmi suliffissarpassuarnik isumaginnittussat, aatsitassarsiorfik aatsitassarsiornermi atortorissaarutit nutaaliaalluinnartut atorneratigut nunarsuarmi muteerniunerpaat ilagisussaavaat.