Wed, 09/04/2014 - 20:35

GME kinamiut NFC atsioqatigaat

Nunarsuarmi saviminissanik qaqutigoortunik immikkoortiterisinnaasut siuttuisa ilaat Kuannersuit pillugu paaseqatigiinnermik GME-lu atsioqatigiipput. Suliffeqarfik, China Non-Ferrous Metal Industry’s Foreign Engineering and Construction Co. Ltd. (NFC) nunat tamalaat akornanni, aatsitassarsiorfinnik akuiaaffinnilu pilersaarusiornermik, sanaartornermik aammalu ingerlatsinermik pitsaalluinnartumik tusaamasaapput.

GME siunniuppaa nutaamik saviminissanik qaqutigoortunik pilersuisunngussalluni, taamaasiornikkut saviminissat qaqutigoortut Kalaallit Nunaanneersut atuisussanut apuussinnaanngorlugit. NFC-lu atsioqatigiinneq tunisassiorneq tamakkiisunngortissavaa taakku immikkoortiterinermi teknologi aamma piginnaasaat aqqutigalugit.

NFC-p immikkoortortaqarfiat, Quangdong Zhujiang Rare Earth Company, kinami immikkuullarissutut saviminissat qaqutigoortut 15-iusut tamarmik immikkoortissinnaanerat nunarsuarmi saviminissanik qaqutigoortumik immikkoortiterisinnaasutut siuttutut tusaamasaassutigaat.

GME Kuannersuit ineriartortittuarniarpaat kalaallit susassaqaqatigiit qanimut suleqatigineratigut. Suliffeqarfiup siunniuppaa pilersaarusiornertik naammassissallugu taamatuttaaq piiaanissamut qinnuteqaat piariissallugu.

“Maannamut takusinnaavarput nunarsuarmi saviminissanik qaqutigoortunik tuniniaaneq annertunerusumik allannguuteqariartuinnartoq atorneqarnerulerlutillu, akigitallu erseqqinnerullutik, upperaarpullu immikkoortiterillammaat suleqatigilerneratigut pilersuisinnaanissarput inissilluarsinnaassasoq”, Shaun Bunn, GME A/S-ip pisortaa oqarpoq. “Tamanna Kuannersuit pilersaarut pitsaasuunera aammalu Kalaallit Nunaat suliffigineqarsinnaanera annertuumik taperserneqarnerannik takussutissaavoq”.

“Tullinnguuppoq suliffeqarfiup urani pillugu naleqquttumik suleqatissarsiornissaa”, Shaun Bunn oqarpoq.