Tue, 01/07/2014 - 18:12

GME uran pillugu inatsisinut- aamma tuniniaanermut ilisimasaqarluartumik atorfinitsitsissaaq

Greenland Minerals and Energy Ltd-miit nuannaarutigalugu nalunaarutigineqassaaq, uranip tuniniarneranut- aamma isumaqatigiissutit pillugit pisortassatut atorfinitsissimammagu James Eggins.

James Eggins ukiuni 30-ini uranisiornermut tunngatillugu sulianut attuumassuteqarsimavoq tuniniaaneq, aatsitassarsiorfimmiit pisisussanut  kiisalu inatsisinik malinnittussaaneq pillugu ataqatigiissaarinermik suliaqartartuusimalluni. GME-p suliaralugu aallartimmagu Kuannersuarni aatsitassanik qaqutigoortunik aamma uranimik aatsitassarsiornissamut qinnuteqaatip inaarsarneqarnissaa kiisalu tuniniaaneq- aamma periaasissat pillugit iliuusissat, taava atorfinitsitsineq piffissanngorpoq.

GME-p maannamut pingaarnerutillugu suliarisimavai aatsitassanik qaqutigoortunik niuerutiginissaanut periaasissat ineriartortinnissaat. Periaasissanik suliaqarneq taanna marts 2014 pingaarutilimmik siuariaallaffiusumik kinguneqarsimavoq matumani ingerlatseqatigiiffik paaseqatigiinnissamut Memorandum of Understandingimik (suleqatigiinnissamik isumaqatigiissut pituttorfiunngitsumik) kineserit ingerlatseqatigiiffiannut China Non-Ferrous Metal Industry´s  Foreign Engineering and Construction Co. Ltd. (NFC)-mut atsiugaqarsimagami. Isumaqatigiissutip isumaqatigiittussat marluk pisussaatippai  teknikkikkut ataavartumik suleqatigiinnissamut aamma aatsitassat qaqutigoortut annerpaamik naleqalernissaat anguniarlugu suliniuteqassasut, taamaalilluni nunarsuaq tamakkerlugu tunitsivissaqarsinnaaneq anguneqaqqullugu.

GME-p maanna pingaarnerutillugu suliariniarpai uranip niuerutiginissaanut periaasissat ineriartortinnissaat aamma pingaartumik ingerlatitseqatigiiffiup uranimik tunisassiornissamut tunngatillugu inatsisinut misilittakkami annetunerulernissaat pilugu nukittorsaanissani.
2013-imi Kalaallit Nunaanni uranisiortoqanngilluinnarnissaanik aalajangersakkap, nul-tolerance-p. atorunnaarsinneqarnerata kingorna, uranisiortoqannginnissaanik unitsitsisartup, maanna Kalaallit Nunaanni Danmarkimilu pisortat nakkutiginnittussaasut suliaraat piumasaqaatit aatsitassarsiornerup pitsaanerpaamik ingerlanneqarnissaannut tunngasut, uranimik tunisassiornermik imaqartut pisariallit nakkutigineqarnissaannut tunngasut. James Egginsip matumani ilisimasaasa annertuut uran pillugu sammisat pillugit pisortat tungaannut pitsaasumik suleqatiginninnissaq annertuumik iluaqusissavaa.

James Egginsip sullivigisimavai Queensland Mines Ltd (Nabarlek uran-projekti), CRA Ltd (Kintyre uran-projekti), WMC Resources (Olympic Dam) kingullerpaatullu Paladin Energy Ltd (Langer Heinrich, Namibia aamma Kayalekera, Malawi), tassani inatsisit atortinniarnissaanni pisisussanullu isumaqatigiissusiortarnerni pingaarutilimmik inissisimasarsimalluni.

James Eggins inatsisilerinermi bacheloritut ilinniarsimavoq Australien National Universitytimiit nersorniarneqarsimalluni.

Inussiarnersumik inuulluaqqusillunga

Roderick Mclllree
Pisortaaneq
Greenland Minerals and Energy Ltd.