GME pillugu ›› Greenland Minerals and Energy pillugu

Greenland Minerals and Energy pillugu

Aatsitassarsiortut Greenland Minerals and Energy A/S Kalaallit Nunaanni 2007-mi misissuilluni aallartippoq. Suliffeqarfik Greenland Minerals and Energy Ltd.-mit pigineqarpoq, Australiamilu allattorsimasuulluni Perthimilu qitiusumik allaffeqarluni.

Kalaallit Nunaanni suliat Kuannersuarni licenseqarfiusumi illoqarfiup Narsap eqqaaniittumi qitiusumik sammineqarput. Tamaani Greenland Minerals and Energy A/S annertuumik piiaanissaq piareersarlugu qillerillutik misissuipput, aammalu suliat allanik. Ullumikkut paasinarsivoq Kuannersuit annertuupilussuarmik saviminissanik qaqutigoortunik akoqartoq aammalu uran zinkissarlu.

Prøveboring efter sjældne jordarter på Kvanefjeld

Takorluugaq

Uagut siunertaraarput aatsitassarsiornerup iluani pilersaarutinik ujartuissalluta pilersitsissallutalu, taakkullu teknikkikkut aammalu teknikkikkut piginnaaneqarnikkut, niuerluarnikkut aningaasatigullu aqutsilluarnikkut piginneqataasut iluanaartissallugit. Aatsitassarsiorneq nunarsuarmi niuerutaavoq, Kalaallillu Nunaat aatsitassarsiorfigissallugu piumasaqaatitsinnut naapertuulluni.

Kalaallit Nunaat politikkikkut toqqissisimasumik inissisimavoq, nunarsuullu qeqertaasa annersaat geopolitiskimit toqqissisimasumiittuulluni. Kalaallit Nunaata ilaa annertooq suli misissuiffigineqanngilaq, taamaakkaluartoq innuttaasunit aammalu politikkikkut isumaqarfigineqarpoq aatsitassat tassaasut siunissami nunap aningaasarsiorneranut toqqammaviliissasut.

GME's arbejdslejr på Kvanefjeld, som formentlig rummer verdens største forekomster af sjældne jordarter

Kalaallit Nunaat annersaat sermimik poorsimavoq, kisianni sineriak qallersimanngilaq aatsitassaqarfiusunillu arlaqartunik peqarluni aammalu ujarassiornerup tungaaniit arlalinnik soqutiginartortaqarluni.

Qallunaat 1970-kkunni aamma 1980-kkut aallartilaarnerani atomip nukinganik atuilluni nukissiorsinnaanermi misissuinerat takutippaat Kuannersuit uraneqarfiusoq. Taamani uranimik akoqassuseq qillikkanik “spectral logning” atorlugu misissorneqarpoq, kemi atornagu. Tamanna kinguneraa mineralinik allanik nalilinnik ilisimasaqalinnginneq, taamaasilluni naleqassusaanik naliliiniarneq ajornakusoorsimalluni.

Maannamut ujarassiornermi misissueqqissaarnerit takutippaat Kuannersuit ilumut nunarsuarmi saviminissanik qaqutigoortunik aammalu uranimik akoqartut annersaat ilagigaat.

Kalaallit Nunaat sumi tamanit ungasissumi inissisimavoq assartuinerlu unammillernarsinnaalluni, ilaasa taamak isumaqarput, kisiannili Kalaallit Nunaata isikkua iluaqutissarpassuaqarpoq. Kalaallit Nunaat niuerfiit marluk akornanni inissisimasuuvoq, Amerika avannarleq aamma Europa. Kalaallit Nunaata kujataa Alaskamit, Yukonimit aammalu Northwest Territories-nit kujasinneruvoq – nunat taakkuupput aatsitassarsiortunit soqutigineqarluartut.

Borerig på Kvanefjeld. Greenland Minerals and Energy har fundet enorme forekomster af sjældne jordarters metaller

Kangerluit isorartuut sineriak tamaat pitarpaat, taamaasilluni nunaminertat aatsitassarsiornermi soqutigineqartut umiarsualiviliorfissaqqissuni itisuuni nassaassaallutik. Kalaallit Nunaat annertuumik orsussamik ikummatissamik tikisitsisarpoq, kisianni erngup nukinganik innaallagissiorneq annertusiartuinnarpoq, tamannalu aatsitassarsiornermi pingaaruteqarsinnaalluni. Greenland Minerals and Energy A/S-mit upperaarput Kalaallit Nunaat nunarsuarmi aatsitassarsiornermi soqutigineqarnerpaat ilagilissagaat.

Narsaq ses for foden af Kvanefjeld, hvor GME efterforsker sjældne jordarter

Inuiaqatigiit

Greenland Minerals and Energy-ip Kalaallit Nunaanni suliai innuttaasunit oqaloqateqartarnikkut ingerlanneqassapput. Anguniagaarput suliffeqarfipput pitsaasumik innuttaasunut kinguneqassasoq, atorfinitsitsinikkut aammalu tapersersuinikkut – taassumalu saniatigut avatangiisit mianeralugit aammalu inuusaaseq. Kalaallit Nunaanni sulinerput Narsami aallaaveqarpoq, tassanngaanniillu sulisut, takornarniat sullissisullu avataaneersut isumagalugit. Kalaallit suliffeqarfiutai annertunerpaamik atorniartarpagut aammalu sulisussagut amerlanerit nunaqavissuutinniarlugit.

Kina Kuannersuarnut piginneqataassutsinik pisisinnaava?

Nunatsinni suliffeqarfik Greenland Minerals and Energy A/S 100 procentinik suliffeqarfik Greenland Minerals and Energy Ltd.-mit pigineqarpoq. Australiamiittoq børsenini allattorsimasuuvoq – kinaluunniit piginneqataassutsinik pisisinnaavoq. Una tooruk suli paasisaqarusukkuit piginneqataarusullutillu eqqarsaatigigukku.