Apeqqutit akissutillu ›› Inuiaqatigiit aningaasaqarnerlu pillugit

Inuiaqatigiit aningaasaqarnerlu pillugit

Una Q&A tassaavoq Kuannersuarni aatsitassarsiornermi innuttaasut saviminissat qaqutigoortunik ammalu uran pillugit paasissutissarsiornerannut iluaqutaalluarsinnaasoq.

Q&A una immikkoortut 5-nngorlugu agguarneqarpoq:  
1) Saviminissat qaqutigoortut aamma uran pillugit ilisimasat
2) Suliassat pillugit
3) Avatangiisit pillugit
4) Inuiaqatigiit aningaasaqarnerlu pillugit
5) Uran pillugu
 

4) Innuttaasunut aningaasanillu sunniutaasussat pillugit

Q: Piiaaneq Narsami Kalaallit Nunaannilu qanoq sunniuteqassava?

A: Ukiuni tulliuttuni sisamanik Greenland Minerals & Energy 5 milliard kronenik aningaasaliinissaat pisariaqassaaq aatsitassanik piiaaniarunik. Aningaasaliiffigineqartussat ilagaat nutaamik umiarsualiviliornermik, aqquserniornerit, immikkoortiteriviit, najugaqarfissat aammalu innaallagissiorfik nutaaq. Piiaaneq suliffiit uuntritilippassuit pilersissavai, aningaasaqarnikkullu Narsarmiunut Kalaallillu Nunaata sinneranut iluaqutaassalluni. Ingammik Narsamut pingaaruteqassaaq tamaani suliffissaaleqinermik annertuumik unammilligaammat, aammalu innuttaasut ikiliartorneranik inuusuttut nuuttarnerata kingunerisaanik tamaani siunissaqannginnamik.

Q:  Narsaq matussava piiaaneq aallartippat?

A: Naagga, Narsaq matunavianngilaq piiaaneq aallartissagaluarpat. Narsaq pingaaruteqarluinnarpoq Kuannersuarni pilersaarummut, pissutigalugu sulisussat kiffartuussinerillu tamaanngaanniissammata. Greenland Minerals and Energy periarfissinneqassaaq sulisut Narsamiullu ataatsimoortilersinnaanissaanik, aatsitassarsiorfinni allani takussaanngitsumik. Aammattaaq Narsap iluaqutigissavaa sulisoqarnikkut angallannikkullu eqqaamiunut ineriartortitseqataasussamik.

Q: Kalaallit Nunaat qanoq aningaasarsitigissava? Iluanaarutit tamarmik avammut pissappat?

A: Aningaasanik iluanaarneq sioqqullugu aatsitassarsiorneq akileraarutinik piumasaqaatit naapittariaqarpai. Piiaaneq iluanaarfiulluartussaammat aammalu suliffigissaartitsisussaammat naatsorsuutigineqarpoq Namminersorlutik Oqartussat ukiuni tulliuttuni arlaqartunik iluanaarumaartut. Nalorninanngitsumik piiaaneq aningaasarsiornikkut pitsaasumik kinguneqartitsissaaq, aammalu Kalaallit Nunaanni suliffinnik periarfissiissalluni.
Piiaaneq aallartillualerpat naatsorsuutigineqarpoq ukiumut akileraatarneq US$55 millionit Kuannersuarnit Kalaallit naalakkersuisuinut isertinneqartassasut. Uani akileraarutit makkunanit ilaanngillat:
Akissarsianit
Avataanit eqqussanit akitsuutit
Royaltiit.
Taakkullu saniatigut ukiuni marlunnik sanaartornerup nalaaniit akileraarutit aamma iluaqutaassallutik. Annertusaanerup kingorna akileraarutitigut isertinneqartussat ukiumut US$120 millionit naatsorsuutigineqarput.

Q: Suliffiit qassit pilersinneqarnissaat naatsorsuutigaasigit?

A:  Naatsorsuutit siulliit takutippaat sulisut 383-it ingerlatsinermi pisariaqartinneqartut, taakkunanilu pingajoratserutaat Kommune Kujallermit sulisorineqarsinnaallutik. Sulisut naatsorsuutigineqarpoq nikerartuussasut, taakkunanilu pingajorarterutaat sineriammiissallutik, taakkullu immikkut najugaqarfiliunneqassallutik.

Sulisut nunatsinneernissaat qulakkeerniarlugu Greenland Minerals & Energy sulisunik sungiusaaneq aallartissimavaa aatsitassarsiorfimmi sulinissaminnut soqutiginnittunut.

Q: Sulisut sumi najugaqassappat?

A: Kuannersuarni sulisut nikerartussat amerlanerit pisortat, ingerlatsisut nakkutilliisullu immikkut najugaqarfiliunneqassapput Narsap immikkoortiterivissallu akornanniittussatut naatsorsuutigineqartumik.

Q: Suliffissaaleqineq qanoq piiaanermit sunnigaassava?

A: Kalaallit Nunaata kujataani suliffissaaleqineq annertugallartillugu (11%-it missaaniittoq) piiaaneq ajunngitsumik kinguneqartitsissaaq. Suliffiusinnaasut ilaatigut makkuupput:
a) Ilinniarsimanngitsut suliffigisinnaasaat, soorlu qalluisut, assartuisut, qillerisut, immikkoortiterivimmi sulisut il.il.
b) Illinniarsimasut suliffigisinnaasaat soorlu ittuusussat, allaffimmiut, ikiueqqaarnermut isumannaallisaanermullu tunngasut, uuttortaasut, ingeniørit, ujarassiuut il.il.

Q: Piiaaffik savaatillit qanoq sunnissavaat aammalu savat neqaat qanoq sunnigaassappat?

A: Narsap qeqertaasaani ukiorpassuarnik savaateqarneq ingerlanneqarsimavoq. Savat neqaat misissugaajuarpoq ajornartoqanngitsumillu nerineqarsinnaalluni. Savaatillit savaatiminnik aasami neriniartarfii Kuannersuarni piiaanermit sunnigaanavianngillat. Greenland Minerals and Energy Narsap illoqarfiata iluani eqqaanilu Narsap iluani savaateqarfimmilu qinngornermik uuttuutinik ikkussuisimavoq. Tamaaliorneq pissutaavoq qinngorneq qanoq annertuginersoq paasiniarlugu, avatangiisinut sunniutaasinnaasunik misissuinermut atatillugu. Innuttaasunik soqutigisaqatigiiaanillu peqataasitsiniarnermi Greenland Minerals and Energy savaatillit oqaloqatigillattaartarpai, aarleqqutigisaalu sammineqartarput isumagineqarlutillu suliat ingerlaarneranni.

Q: Pilersaarut taamak annertutigisoq, avataaniit sulisorpassuarnik soqutigineqartussaq, qanoq ajortumik kinguneqannginnissaat qulakkeerniarpisiuk?

A: Piiaaffik aallartitinnagu, Greenland Minerals & Energy minnerpaamik ukiunik marlunnik, imaluunniit sivisunerusumik, innuttaasunik sunniutaasinnaasunik misissuissaaq. Tamanna ingerlanneqassaaq oqaloqatiginninnikkut, paasiniarlugit suut piiaanissami aarleqqutaasinnaanersut. Aningaasarsiornermut tunngatillugu qanoq inuiaqatigiinnut kinguneqassanersoq aamma misissugaassaaq, taamaalilluni kalaallit nammineerlutik aaliangersinnaalissavaat aningaasarsiorumanerlutik.

Q: Kuannersuit Qallunaat Nunaannut aningaasatigut sunnigaassava?

A: Qallunaat Nunaat arlalitsigut piiaanerup kingunerisaanik iluaqutissinneqassaaq. Ilimanarsinnaavoq Kalaallit Nunaat annertuumik akileraarutitigut isertitsissasoq, taamaalilluni Qallunaat Nunaannit ukiumut tapisiaqartarneq annikillisinnaalluni. Aamma ilimanarluarpoq suliffeqarfiit arlallit Qallunaat Nunaanniittut pilersaarummi ineriartortitsinermi  aammalu ingerlatsinerup nalaani pilersuisinnaassasut.

Q: Piiaaneq takornariaqarnermut qanoq kinguneqassava?

A: Piiaaffissaq Kalaallit Nunaata takornarianik soqutigineqarnersaasa ilaanni inissisimasussaavoq. Takornarissat arlallit Qallunaat Nunaannit Islandimiillu Narsarsualiartarput pisuttuariarlutik imaluunnit angallammik angalaariarlutik, imaluunnit umiarsuarnik takornariartaatinut ilaallutik.

Ilimananngilaq piiaaneq takornariaqarneq ajoqusissagaa, pissutigalugu nunaminertamik suliffiusussamik peqqissaartumik ilusilersukkamik ingerlatsisoqartussaammat. Allaat oqartoqarsinnaavoq takornarissat iluaqutigisinnaassagaat timmisartuussinerit amerlisussaammata, najugaqarfiit pitsanngussammata il.il., ilami massakkut kujataani angallannermik pissutsit milikartitsisutut inissisimammata.

Una Q&A tassaavoq Kuannersuarni aatsitassarsiornermi innuttaasut saviminissat qaqutigoortunik ammalu uran pillugit paasissutissarsiornerannut iluaqutaalluarsinnaasoq.

Q&A una immikkoortut 5-nngorlugu agguarneqarpoq:  
1) Saviminissat qaqutigoortut aamma uran pillugit ilisimasat
2) Suliassat pillugit
3) Avatangiisit pillugit
4) Inuiaqatigiit aningaasaqarnerlu pillugit
5) Uran pillugu