Tue, 01/07/2014 - 18:31

Kuannersuarmut suliassamut piffissarititaasoq suli taannaavoq

Greenland Minerals and Energy Ltd.-p matumuuna saqqummiunniarpaa Kuannersuarnut atatillugu suliat Kalaallit Nunaanni piffissami kingullermi ineriartornerisa killiffiat:

2014-ip ingerlanerani uranimut atatillugu aamma pingaarnertut sillimaniarnermut tunngasut aamma sillimaniarnermut tunngatillugu piumasaqaatit inatsisinut tunngasortai pingaartilluinnarlugit assorujussuaq sammineqarsimapput, pissutigalugu Kalaallit Nunaata aamma Danmarkip uranisiornissamut atatillugu akisussaaffiit qanoq ilillutik passunneqarnissaat pillugit suleqatigiinnissamut isumaqatigiissusiorsimammata. Isumaqatigiissut taanna 2014-imi nammassineqassasoq pilersaarutaavoq.

- Kujataani Narsarsuarmi suliap inatsisinut tunngasortai pillugit Dansk Institut for Internationale Studier-imit aaqqissuunneqarsimasumik ”Uranium Best-Practice workshop”-eqarsimavoq.
- Kalaallit Nunaanni naalakkersuisut nunami namminermi uran pillugu qaammarsaanermik ingerlataqarsimavoq.
- Danskit inatsisartuini ilaasortat Kuannersuarmi suliassaq pillugu ilikkagaqarneruniarlutik Narsamut tikeraarsimapput.
- Nunatsinni naalakkersuisut sinaakkutissat erseqqinnerusut pilersikkusuppaat aamma piiaanissamik qinnuteqaatit suliarineqartarnissaannut erseqqinnerusunik tunngavisseerusupput.

2014-ip ingerlanerani aatsitassarsioqatigiiffiup Greenland Minerals and Energy-p Kuannersuarni aatsitassanik piiaalernissamut tunngatillugu qinnuteqaatit naammassineqarnissaat pingaartillugit ingerlanniarpaat aammattaaq suleqatigiinnissamut- aamma ineriartortitsinissamut tunngatillugu suleqatigisassat pillugit naammassiniagaqarlutik. Piiaanissamut qinnuteqaatit tunniunneqarneranni naatsorsuutigineqarpoq qinnuteqaatit naammassillugit suliarineqarnissaasa tungaannut qaammatit aqqaneq marluk (12) ingerlajumaartut, soorlu Naalakkersuisut tungaanniit taamatut oqaatigineqartoq.

Pingaarnerpaarpaavoq: Piffissami kingullerpaami Kalaallit Nunaanni ineriartornerup uppernarsarpaa suliassanut tunngatillugu pilersaarut suli taannaasoq naatsorsuutigigipput.

Qulaani taaneqartoq nalunaarut Greenland Minerals and Energy Ltd-mit nalunaarutaavoq, taanna piginnittuuvoq Kalaallit Nunaanni angerlarsimaffeqartumit Greenland Minerals and Energy A/S.

Aktiaatit pillugit nalunaarutit tamakkiisut uani atuarneqarsinnaapput: http://www.ggg.gl/docs/ASX-announcements/Developments-in-Greenland-June-2014.pdf