Peqqinneq Avatangiisilu ›› Kuannersuarni aatsitassarsiortoqarneratigut inuiaqatigiinni inooqatigiinnikkut sunniutissat
Forår i Qaqortoq

Kuannersuarni aatsitassarsiortoqarneratigut inuiaqatigiinni inooqatigiinnikkut sunniutissat

Suliffeqarfik ingeniørinit suliffeqarfigineqartoq Grontmij inooqatigiinnikkut sunniutit pillugit, Kuannersuarni aatsitassarsiornissaq pillugu nalunaarusiaq ukiup tulliani naammassippat, Narsarmiut narsallu eqqaamiut periarfissaqarluarsimassapput misissuinermi isummaminnik ilanngussinissaminnut, isummat pitsaasut pitsaanngitsullu tamarmik ilaatillugit. Immikkut soqutigisaqaqatigiit – aamma Stakeholderinik taaneqartartut – innuttaasut, kommuni, suliffeqarfiit, NGO-llu Narsap qanittuani aatsitassarsiorfimmik pilersitsinermi pitsaaqutissat ajoqutissallu oqallisigineqartarnerini innuttaasunik ataatsimiititsinerni immaqaluunniit workshopeqartitsinernut aggersarneqartarsimapput.

Narsami, Qaqortumi Nuummilu Grontmij  arlariinnik workshopeqartitsinikuuvoq, pilersaarutip imaa saqqummiunneqartarluni, taamaaliortoqareeraangat ernummatit periarfissallu oqallisigineqartarlutik.

Taassuma saniatigut suliffeqarfiup kisitsisaatigineqartut nalunaarusiarpassuillu pioreersut sukumiisumik misissorsimavai, nalunaarusiat Narsap eqqaatalu pissusaannik oqaluttuartut – assersuutigalugu ilinniarsimassuseq, innuttaasut arnat, angutit meeqqat utoqqaallu soorunami aamma suminngaaneernerisa agguataarsimanerat pillugit, attaveqaqatigiinnikkut aaqqissuussisimanerit peqqissuserlu. Ilutigitillugu Grontmij-imit najugaqarfinni aaqqissuuseqatigiittartoqatigiinnik aalajangersimasunut sukumiinerusumik paasisaqarfigerusutat pillugit sammisassanik aallussisoqarpoq. Assersuutigalugu Narsarmiut sunngiffimmi ornittagaat (nuna) qanoq atorneqartarnersoq pillugu.

SIA tuluit inooqatigiinikkut sunniutit pillugut nalilersuinermut taaguutaat – Social Impact Assessment – naatsumik oqaatigalugu sunniutaasinnaasunik ersersitsinianermut sunniutit pitsaasut pitsaangitsullu eqqarsaatigalugit suleriaasiuvoq  – Kuannersuarni aatsitassarsiortoqarneratigut pinngortussat. Nalunaarusiami ilaatinneqassapput sunniutit pitsaanngitsut pillugit annikinnerpaaffissaminiititsinissamut, siunnersuuteqarlunilu pilersaarut pillugu qanoq ililluni aatsitassarsiorneq innuttaasunut pissarsissutaanerpaasinnaanersoq.

Grontmij nunat tamalaat najoqqutarisaat, Aatsitassanut Inatsit aammalu AIA-p Innuttaasunut Sunniutaasussanik Nalunaarusiornissamut najoqqutassiaa naapertorlugit innuttaasunut ajoqutaasinnaasut iluaqutaasinnaasullu nalilersussavaat. Suliffeqarfiup misissussavaa inuiaqatigiit qanoq sunnigaassanersut, aammalu peqqissusaat paasiniassallugu.

Kirken i Narsaq, Sydgrønland

Grontmij-imit misissorneqassapput pissutsit qanoq ilillutik inuiaqatigiinnut innuttaasunullu sunniuteqassanersut. Ilaatigut inuiaqatigiit peqqissusaannik ullumikkut atuuttunik misissuillunilu nalunaarusiortussaavoq. Suliffeqarfimmiittaaq misissorneqassaaq inuiaqatigiit qanoq sunnerneqassanersut suliartortut amerlasuut avaataaniit tikisinneqassagaluarunik. Uani qissimigaarneqangaatiassaaq inuttut atugarisat pillugit misissuinersuaq ingerlanneqareersimasoq. Soorluttaaq nunani allani assingusumik ingerlatsiviusuni pissutsit qanoq inneri qimerloornissaat pisariaqarumaartoq.