Suliffiit ineriartortitsinerlu ›› Narsaq pillugu paasissutissat
Narsaq

Narsaq pillugu paasissutissat

Narsaq Kalaallit Nunaata kujataaniippoq kangerluit Tunulliarfiup Sermiliullu akornanniilluni. Illoqarfik 1.800-ut missaaniittunik innuttalik 1834-imi pilersinneqarpoq, niuertoqarfimmi Julianehåb-imi, Maanna Qaqortoq-mik taaguutillip ataani.

1959-imi namminerisamik kommuuninngorpoq, kommunillu iluarsartuuteqqinneqarnerini 1. januar 2009 Kommune Kujalliup iluaniilerluni, Kommune Kalaallit Nunaanni kujallerpaajusoq.

Illoqarfik toqoraaviup Neqi A/S-ip Kalaallit Nunaannilu Inuussutissalerinermik Ilinniarfiup Inuili-p angerlarsimaffigaat.

Narsaq pissusissamisoortumik nunaqarfinnut Igaliku-mut, Qassiarsummut, Narsarsuaq-mmullu nunanut allanut sorsunnersuup aappaata nalaanni pilersinneqarsimasumi mittarfilimmut qitiuvoq, soorunami aamma savaateqarfippassuarnut.

Narsaq

Narsaq siuariartornermut suliffissanullu nutaanut untritilikkaanut qilanaartuutissaqarpoq, aatsitassarsiorfik piviusunngussappat.

Nunaqarfik Qassiarsuk Erik Den Røde-p najugaqarfigisimavaa, soorluttaaq Amerikap avannarliup nunavittaani oqaluffiup siulliup inissisimavigisimagaa. Qallunaatiaat nalaanni nunaqarfik Brattahlid-itut ilisimaneqarpoq.

Igaliku Qallunaatiaat nalaanni Kalaallit Nunaata Biskoppiata najugaqarfigisimavaa, taamani taaguuteqarluni Gardar.

Nunaqarfiit marluusut Qassiarsuk Igalikolu savaateqarfiupput, nunaateqarfiullutik takornariaqarnikkullu inuussutissarsiorfiullutik.