Kuannersuarni pilersaarut ›› Nunarsuamioqatigiinnit piumaneqarnera annertuserujussuarpoq

Nunarsuamioqatigiinnit piumaneqarnera annertuserujussuarpoq

 Naatsorsuutaavoq nunarsuarmi pinngoqqaatit qaqutigoortut atorneqarnerat 2016-imi 180.000 tonsimut annertusisimassasoq - qaffariaat maannamut sanilliullugu 50 procentiusoq, tamanna peqquteqarpoq pinngoqqaatinik qaqutigoortunik akulinnik tunisassiorneq qaffariariarujussuarmat. Tamanna nunarsuarmi patajaatsumik pilersuisinnaasunik pisariaqartitsinermik pisariaqartitsivoq, pinngoqqaatinik qaqutigoortunik pisariaqartitsinermik naammassinnissinnaasumik.

Kina ullumi nunarsuarmi tamakkerlugu 90 procent missai pinngoqqaatit qaqutigoortut tunisassiarivaat. Nunami namminermi Kina-mi pisariaqartitsineq ima annertutigaaq, pinngoqqaatit qaqutigoortut ilaminiinnanngui nunanut allanut tunisassiarineqartarlutik. Kina-mit kigaatsumik nalorninaatsumillu annissuineq annikilliartortinneqarpoq annissorneqarneranilu akileraarusiisarneq annertusiartortillugu, ilisimalluaramikku pinngoqqaatit qaqutigoortut qanoq niueqatigiinnikkut inissisimanerat pingaaruteqartigisoq.

Kina-p avataani pinngoqqaatinik qaqutigoortunik annertoorujussuarnik patajaatsumillu nasssaartoqanngippat, nunani allani suliffissuaqarfiit pinngitsaalineqarput tunisassiorfitsik Kina-mut nuussagaat, pinngoqqaatinik qaqutigoortunik pissarsisinnaajuassagunik.

Sooq Kuannersuit?

Kuannersuit pinngoqqaatit qaqutigoortut nunarsuarmi uniorarfigisimasaasa annertunerpaartaasa ilagivaat. Kuannersuit periarfissaqarpoq nunarsuarmi pinngoqqaatinik qaqutigoortunik piumasaqarnerat matussusissallugu, taamaalillunilu Kalaallit Nunaata aningaasarsiorneranut siunissami ukiuni qulikkaani amerlaqisuni iluaqutaalluni.

Isumaqarpugut Kuannersuit nunarsuarmi nallerneqanngingajattumik aatsitassariorfinngorsinnaasoq, akisussaasuseqartumik avatangiisimullu mianerinnittumik ineriartortinneqarsinnaasoq nunarsuarmi pinngoqqaatit qaqutigoortut pilersuiffiattut pingaaruteqarnersaasa ilaattut.

Kuannersuarni saviminissaq pinngoqqaatinik assigiinngitsunik niuerutigigaanni nalilinnik akoqarpoq, tassa pinngoqqaatit  qaqutigoortut uran-ilu. Pinngoqqaatit qaqutigoortut pingaarnertut tunisassiassatut inissisimapput, uran-i sinneruttutut tunisassiaassalluni. Pinngoqqaatinik qaqutigoortunik tunisassiorsinnaaneq ukiumut 23.000 tons missaaniippoq, tamanna saniatigooralugu tunisassiassamit uranoxid-imit quleriaataanit annertuneruvoq.