Peqqinneq Avatangiisilu ›› Peqqissuseq avatangiiserlu ataqatigiilluinnarput
Sommer i Narsaq

Peqqissuseq avatangiiserlu ataqatigiilluinnarput

Kuannersuarni aningaasarsiutigalugu aatsitassarsiorfik piviusunngortinneqarsinnaavoq, Greenland Minerals and Energy A/S-ip aatsitassarsiornermi oqartussanit peqqissutsikkut isumannaallisaanikkullu soorluttaaq avatangiisitigut illersorneqarsinnaasumik suliat aatsitassarsiornermi piumasaqaatit sukangasuut naammassisinnaagunikkit. Maleruagassat Kalaallit Nunaanni kikkunnulluunniit aatsitassarsioqatigiinnut misissueqqaarlutik misileraallutillu qilleriniarlutik pilersaaruteqartunut assigiipput, innuttaasunut, avatangiisimut aatsitassarsiorfimmilu sulisunut illersuineq pitsanerpaaffissaminiitsikkumallugu.

Aatsitassarsioqatigiilli suliassaq tamanna inaarutaasumik nalunaarusiornissamik kinguneqartussaq suliassarinngilaat. Nalilersuinerit- misissuinerniillu inernerit untritilikkaanik quppernillit inerniliinerillu oqartussanut tunniunneqarpata, siunnersuisartut arlaannaannulluunniit pituttorsimanngitsut taakkunani suliani tunuliaqutaapput. Isumatusaarneruvoq, taamaalillunimi arlaannaannulluunniit pituttorsimanngineq qulakkeerneqarmat, oqartussallu taamaalillutik qulakkiissavaat uppernarsaaneq suliamut ilisimatuussutsikkullu ilisimasaqassuseq qaffasinnerpaaq naapertorlugu suliarineqarsimasoq.

Vinter i havnen i Narsaq

Avatangiisitigut sunniutissat misissorneqarput
Siunnersuisartut Orbicon-imi sulisut Kuannersuarni aatsitassarsiortoqassappat avatangiisitigut sunniutissai misissorneqarput. Suliffeqarfimmit 2007-mili Narsami avatangiiseq pillugu paasissutissanik katersisoqarsimavoq pinngoqqaatit qaqutigoortut, zink aamma uran pillugit misissueqqaartoqarneranut atatillugu.

Misissuinerit nalunaarusiornissamut uppernarsaatitalinnut tunngaviliissapput, nalilersuutaallutillu Kuannersuarni avatangiisitigut illersorneqarsinnaasumik Kuannersuarni aatsitassarsiornissamik aallartitsisoqarsinnaanersoq. Aatsaat Aatsitassanut Ikummatissanullu Pisortaqarfiup inaarutaasumik nalunaarusiaq tigugunikku ilaatigut Narsami eqqanilu inooqatigiinnikkut sunniutissai ilanngullugit, Namminersorlutik Oqartussanit aatsitassarsiorneq isumannaatsumik ingerlanneqarsinnaanersoq nalilersulersinnaavaat.

Orbicon-imit 2007-imiilli Kuannersuarni Narsallu eqqaani naasut uummasullu pillugit paasissutissat katersorneqarput. Orbicon-imi immikkut ilisimasallit aalisakkani, puisini orsugaasanilu aqerlup qanoq annertutigisumik akuunera  ersarissarniarlugu sulipput. Misiliguterpassuit kuuinit, tatsinit nunamiillu katersorneqarput. Ilutigitillugu tunuliaqutigalugu qinngorneq saviminissallu oqimaatsut misissorneqarput, takuneqarsinnaaqqullugu, aatsitassarsiornermit aniatitsineq arlaatigut sunniuteqassanersoq.

Misiligutit assingusut ukiuni arlaqalersuni katersorneqarput assersuussisisinnaaniarluni. Najoqqutassat Aatsitassaq pillugu Aqutsisoqarfik Danmarks Miljøundersøgelse-lu suleqatigalugit suliaapput. Assersuutigalugu Orbicon-imit ukiut pingasut tulleriit uillut aalajangersimasut katersuiffigineqarsimapput, ukiumiit ukiumut tunuliaqutigalugu qinngornerup qanoq inissisimanera paasisaqarfiginissaa siunertaralugu. Taamaalilluni aatsitassarsiorfik piviusunngortinneqassagaluarpat assersuussisoqarsinnaassaaq mingutsitsisoqarneranik pasitsaasaqartoqartillugu.

Misissueqqissaarnerit taamaattut kisiat Greenland Minerals and Energy A/S-imut kisimik piumasaqaataanngillat. Kikkulluunniit Kalaallit Nunaanni aatsitassarsiulerniarlutik suliniuteqartut tunuliaqutaasumik misissueqqissaarnermik ingerlatsisussaapput, piumasaqaataavoq, Kuannersuarnullu tunngatillugu suli sukumiinerusunik misissuisoqarnissaa aalajangerneqarsimavoq - assersuutigalugu kuuit kuunnerisa pissusaat pillugit.

Misissuinerit tamakku takutissavaat erngup akuata qanoq annertutigisumik kimikillisarneranik imaannut apuutsinnani, kiisalu imeq qanoq annertutigisoq kuuitigut kuunnersoq. Taamaaliornikkut nalilersorneqarsinnaavoq aatsitassarsiornissamut imeq pisariaqartinneqartoq naammannersoq, eqaluit kuuiniittut navialisinngikkaluarlugit. Misissuineq teknologi qaffasinnerpaaq atorlugu ingerlanneqarpoq, taamaalilluni Orbicon-imi sulisut ilisimatuullu Danmarks Miljøundersøgelse-mi Danmark-imiit qaammataasaq aqqutigalugu Narsami kuuit qanoq issusaat qimerloorneqarsinnaalluni.

Narsaq, Sydgrønland

Taamatuttaaq Orbicon-imit silasiutit arlallit napparneqarnikuupput, Narsami sialuup nittaallallu soorluttaaq anori pissusaannik takutitsisussaq. Paasissutissat tamakku aatsitassarsioqatigiinnit atorneqarsinnaapput nalilersorniarlugu suatungaani illuliorfissaqqinnerunersoq.

Orbicon-ip malitassaa annertoqaaq, Narsamilu innuttaasunut qanilaartumik suleqateqarnissamik pisariaqartitsivoq. Assersuutigalugu innuttaasut Kuannersuarni aatsitassarsiortoqalissagalurpat pujoralak pillugu ernummataat tusarnaarluarneqarput. Taamaattumik sulifeqarfimmit pujoralammik uuttortaatit nappartiterneqarput - marluk illoqarfiup qeqqani, ataaseq qaqqanut qanittumi ataaserlu savaateqarfiup ungasinnerup nalaanni. Uuttortaatit pujoralak nunap immineq pisussaannik pinngorartoq pillugu oqaluttuarsinnaapput, ilisimalikkallu aatsitassarsiorneq aallartissagaluarpat assersuunneqarsinnaassallutik.

Taamaattumik sumiiffik misissorneqarluaqaaq, Danmarks Miljøundersøgelse-lu 1970-ikkunniilli tamaani suliaqarnikuuvoq. paasissutissat tamarmik, Orbicon-imit katersat nalunaarusiamut ilaassapput, nalunaarusiaq tusarniaatigineqartussaq, taassuma kingorna Namminersorlutik Oqartussat naliliissaaq, Kuannersuarni aatsitassarsiorfimmik ammaasoqarsinnaanersoq isumannaatsumik.

Borgermøde i Narsaq - GME informerer om projekt Kvanefjeld

Narsaq-mi innuttaasunik ataatsimiititsineq - GME Kuannersuarni pilersaarut pillugu paasissutissiivoq

Orbicon pillugu paasissutissat:
Orbicon, maanna aamma Nuummi allaffeqarfeqartumi ilisimasat aallaavigalugit siunnersuineq teknikkitigullu ikorfartuineq ingerlanneqarpoq, nammassinnaassuseq siunnersukkamullu nalittorsaanissaq eqqarsaatigalugu.
Orbicon-ip aaqqiissutai inuiaqatigiinnut avatangiisitsinniittunut inuuniarnikkut- sulinermilu atugassatigut pitsaasumik kinguneqassapput.

Suliffeqarfik qanoq ilinikkulluunniit kiffartuussaminut pitsaasumik iliuuseqassaaq, taamaalillunilu kiffartuussap anguniagai akilersinnaasungortillugit, inuiaqatigiit piumasaqaataat soqutigisaallu navialisinngikkaluarlugit.  
Orbicon-ip politikkeraa, pilersaarutit, pilersaarusiorneq inaarinninnerlu suliassanik pissasoq avatangiisit mianeralugit, suliffeqarfiillu pissuserissaarnissamut tunngavii naapertorlugit. Orbicon-ip kiffartuussaq isumasiorlugu anguniassavaa kiffartuussap naatsorsuutai piumasaqaataalu naapertorlugit avatangiisinut tunngasut qulakkeernissaat.

Niuernikkut kiffartuussinikkullu niuernermi avatangiisit mianerineqarnissaannik eqqarsartaatsip isumaginissaa, kiisalu avatangiisinut sunniutit annikillisinneqarnissaat.

Orbicon-ip ingerlanneqarnera ataani allassimasut kissaatit aallaavigalugit pivoq:
Atortussanik atuinermik eqqagassanillu annikillisaaneq
Nukissiornikkut atuinerup annikillisarnissaa
Suliffeqarfiup ingerlanneqarnerani allanullu siunnersortaanermi inatsisit atuuttut maleruarnissaat.
Orbicon-ip niueqatigiinnikkut ileqqorissaarnissamik tunngavii ilaatigut makkuupput:
Avatangiisit pillugit akisussaassuseqarneq