Apeqqutit akissutillu ›› Suliaqarnermut tunngasut
GME A/S hovedkvarter i Narsaq

Suliaqarnermut tunngasut

Una Q&A tassaavoq Kuannersuarni aatsitassarsiornermi innuttaasut saviminissat qaqutigoortunik ammalu uran pillugit paasissutissarsiornerannut iluaqutaalluarsinnaasoq.

Q&A una immikkoortut 5-nngorlugu agguarneqarpoq:  
1) Saviminissat qaqutigoortut aamma uran pillugit ilisimasat
2) Suliassat pillugit
3) Avatangiisit pillugit
4) Inuiaqatigiit aningaasaqarnerlu pillugit
5) Uran pillugu

2) Suliaqarnermut tunngasut

Q: Sooruna Greenland Minerals & Energy Kuannersuarni misissuiniarsimava?

A: Kuannersuit nunarsuarmi saviminissanik qaqutigoortunik peqarfiit annersaat ilagaat. Kuannersuit pinngoqqaatinik arlaqartunik tunisassiarineqarsinnaasunik akoqarpoq, annerusumik REE-t aammalu Uran, zinkissarlu. 2016-mi nunarsuarmi REE-nik atuineq naatsorsuutigineqarpoq ukiumut 180.000 tonsiussasut, maannamiit 50%-mik annertunerusoq, tamannalu REE-t atorlugit atortussialiornerup annertusiartuaarnerat pissutigalugu.

Q: Saviminissat qaqutigoortut kisimik piiarneqarsinnaappat, uran pinnagu?

A: Naagga. Assersuutigineqarsinnaavoq qassutit angisuut atorlugit aalisarnermut. Aalisagaq aaliangersimasoq aalisarniarlugu pigaluarlutit, aalisakkat allat pisarinngitsoorsinnaanngilatit. Kuannersuarni saviminissat qaqutigoortunik aamma uranimik akoqartillugu piiaanermi aammalu suliareqqaarinninnermi akuussapput. Aatsaat immikkoortinneqarsinnaapput kemiskiusumik akuiaanermik.  

Q: Greenland Minerals & Energy taamak pisariutigisumik piiaanissaminut professionaliusumik ingerlatsinissaanik tunngavissaqarpa?

A: Greenland Minerals & Energy suliffeqarfiuvoq Australiami inissisimasuusoq pineqartumut misilittagaqarluartoq. Pilersaarummi suleqataasut nunarsuarmi tamaneersuupput misilittagaqqortuut taakkunanilu nunat tamalaani ilisarisimaneqarluartunik siunnersorteqarlutik. Pilersaarut inaarsarneqarnera aquttuuffigineqassaaq aammalu nakkutigineqassaaq kalaallit aamma qallunaat oqartussaaffiinit.

Q: Sooruna uran ‘saniatigut’ tunisassiarineqartussatut taagissiuk, uffa GME aningaasannaffigingaatsiartussaassagaa?

A: REE-t tassaapput siullertut piiarniarneqartut, uranitaali mineralit soqutigineqartut iluaniittuummat, taanna piiarneqartariaqassaaq REE-t tunisassiarineqartinnagit. Ukiumut REE-t tunisassiarineqartussat naatsorsuutigineqarpoq 23.000 tonsit sinnissagaat, tamannalu uran oxid-i saniatigut akuiarneqartussamit 40-riaataanik annertunerulluni, ukiumullu uran 500 tonsit missaaniissallutik. Eqqaamasariaqarpoq Kuannersuit uraneqarfiummat annikitsurannguamik akulik. Greenland Minerals and Energy naatsorsuutigaa piiaassasoq uran tonsimut 0,04 procentiisa REE-nut tonsimut 1,3 procentiusussamut sanilliullugu.

Q: Kikkut Greenland Minerals & Energy-mit uranimik pisisinnaappat?

A: Uran taamaallaat tunisassiarineqarsinnaavoq nunanut minguitsumik nukissiornerminni uranimik pisariaqartitsisunut, aammalu taamaallaat Nuclear Non-Proliferation Treaty-mik atsioqataasimasunut, taannalu International Atomic Energy Agency-mik nakkutigineqarluni, nunat tamalaat akornanni isumaqatigiissutaasumik FN-ip iluaniittumi. GME uranimik tunisassiornissaanut atatillugu naatsorsuutigineqarpoq kalaallit qallunaallu naalakkersuisui peqataajumaartut nakkutilleeriaatsinik assartuinissamullu pilersaarusiulerpata.

 

Una Q&A tassaavoq Kuannersuarni aatsitassarsiornermi innuttaasut saviminissat qaqutigoortunik ammalu uran pillugit paasissutissarsiornerannut iluaqutaalluarsinnaasoq.

Q&A una immikkoortut 5-nngorlugu agguarneqarpoq:  
1) Saviminissat qaqutigoortut aamma uran pillugit ilisimasat
2) Suliassat pillugit
3) Avatangiisit pillugit
4) Inuiaqatigiit aningaasaqarnerlu pillugit
5) Uran pillugu